Kryetari i Partisë së Lirisë, Ilir Meta ka dalë në një konferencë për mediat pas publikimit të letrës së Autoritetit të Dosjeve të ish-Sigurimit të Shtetit drejtuar Kuvendit ku përmendej dhe emri i ish-Presidentit.
Në hyrje të fjalës së tij, Meta ka folur për disa vendime të marra nga Komiteti Organizativ të Partisë së Lirisë. Meta i konsideron këto si vendime të rëndësishme për mbledhjen e Konventës së ardhshme.
Meta: Disa vendime të rëndësishme për mbledhjen e Konventës përmbyllëse, për marrjen e të gjitha masave për avancimin e shpejtë të revolucionit anti korrupsion dhe një aleance të madhe me të gjithë shoqërinë forcat e vërteta opozitare me shoqërinë civile, krijimin e strukturave të posaçme atikorruosion, koordinator që do ndjekin çdo institucion ku po vidhet më shumë që kanë të bëjnë me të ardhurat e shtetit dhe me investimet, edhe për përgatitjen e platformës së re qeverisëse për të cilën u ngarkua zoti Nesho e Petraq Milo e gjithë ekspertët. Të fillojë një punë intensive në disa fronte menjëherë.
